ಗಝಲ್

ಮನದ ಬಯಕೆಗಳನ್ನು ಕೇಳುವೆಯಾ ಗೆಳೆಯ
ಕಣ್ಣಂಚಿನ ಕನಸುಗಳ ನೋಡುವೆಯಾ ಗೆಳೆಯ

ಆಮಂತ್ರಣವಿಲ್ಲದೆ ಹೃದಯದರಮನೆಗೆ ಬಂದೆ ಏಕೆ
ಅನುಮತಿಸಿ ಕನಿಕರಿಸಿ ಕರೆಯುವೆಯಾ ಗೆಳೆಯ

ಎದೆಲಿ ವಿರಹಬೆಂಕಿ ಹೊತ್ತಿ ಉರಿಯುತಿದೆ
ಹೊತ್ತಿದ ಬೆಂಕಿಯನ್ನು ನಂದಿಸುವೆಯಾ ಗೆಳೆಯ

ತೊಟ್ಟಿಲಲ್ಲಿ ಪ್ರೀತಿಯ ಹಸುಗೂಸು ಮಲಗಿಸಿದೆ ನೋಡು
ದ್ವೇಷದ ಜೋಗುಳ ಹಾಡದೆ ಬಂದು ಸೇರುವೆಯಾ ಗೆಳೆಯ

ಈ “ಸಾತ್ವಿಕ”ನ ಪ್ರೇಮಗೀತೆಯ ಧ್ವನಿಗೆ ಧ್ವನಿ
ಸೇರಿಸಿ
ಬಾಳವೀಣೆಯ ತೋಷದಿ ನುಡಿಸುವೆಯಾ ಗೆಳೆಯ

ಸೋಮಶೇಖರ ಎನ್ ಬಾರ್ಕಿ
ರಾಜ್ಯಶಾಸ್ತ್ರ ಉಪನ್ಯಾಸಕರು

ಪ್ರಕಟಣೆಗಾಗಿ ಸಂಪರ್ಕಿಸಿ: