ಬೆಳಗಾವಿ ಜಿಲ್ಲೆ ಕಾಕತಿ ಗ್ರಾಮದಲ್ಲಿ ಜನಿಸಿದವರು
ದೇಸಾಯಿ ಪದ್ಮಾವತಿ ದಂಪತಿಯ ಪುತ್ರಿಯಿವರು
ಪಂಚಮಸಾಲಿ ಲಿಂಗಾಯತ ಸಮುದಾಯಕ್ಕೆ ಸೇರಿದವರು
ವೀರ ಕುವರಿ ಕಿತ್ತೂರಿನ ರಾಣಿ ಚೆನ್ನಮ್ಮಯಿವರು

ಕಿರಿಯ ವಯಸ್ಸಿಗೆ ಕುದುರೆ ಸವಾರಿ ಕಲಿತವರು
ಕತ್ತಿ ವರಸೆ ಮತ್ತು ಬಿಲ್ವಿದ್ಯಾ ಪ್ರವೀಣೆಯಿವರು
ರಾಜಾ ಮಲ್ಲಸರ್ಜ ಅವರ ಧರ್ಮ ಪತ್ನಿಯಿವರು
ಭಾರತದ ವೀರ ಮಹಿಳಾ ಆಡಳಿತಗಾರ್ತಿಯಿವರು

ಕನ್ನಡ ನಾಡಿನ ಧೀಮಂತ ಹೋರಾಟಗಾರ್ತಿಯಿವರು
ಕರ್ನಾಟಕದ ಜಾನಪದ ನಾಯಕಿಯೆಂದು ಪ್ರಖ್ಯಾತರು
ಸ್ವಾತಂತ್ರ್ಯ ಹೋರಾಟದ ಬೆಳ್ಳಿ ಚುಕ್ಕಿಯಾಗಿ ಮಿನುಗಿದವರು
ಸ್ವಾತಂತ್ರ್ಯ ಪ್ರೇಮಿಯೆಂಬ ಪಟ್ಟವನ್ನು ಪಡೆದವರು

ಬ್ರಿಟಿಷರ ವಿರುದ್ಧ ವೀರಾವೇಶದಿಂದ ಹೋರಾಡಿದವರು
ರಣರಂಗದಲ್ಲಿ ರಣಚಂಡಿಯಾಗಿ ಶತ್ರುಗಳನ್ನು ಚಂಡಾಡಿದವರು
ಕೆಚ್ಚೆದೆಯಿಂದ ಹೋರಾಡಿ ಜಯಿಸಿ ಮಡಿದ ವೀರಾಗ್ರಣಿಯಿವರು
ಐತಿಹಾಸಿಕ ಪುಟಗಳಲ್ಲಿ ರಾರಾಜಿಸಿದ ವೀರ ವನಿತೆಯಿವರು

ಪೂರ್ಣಿಮಾ ರಾಜೇಶ್
ಕಾವ್ಯ ನಾಮ- ಬಸು ಮಲ್ಕಿ
ಹವ್ಯಾಸಿ ಬರಹಗಾರ್ತಿ, ಕವಯಿತ್ರಿ
ಬೆಂಗಳೂರು