ಯೋಗವೇ ಸೌಖ್ಯ

ಯೋಗವ ಕಲಿಯೋಣ
ರೋಗವ ಕಳೆಯೋಣ
ಶುಭ್ರಮನದಿ
ಧ್ಯಾನವ ಗೈಯೋಣ

ಬನ್ನಿರಿ ಬಾಂಧವರೇ ಯೋಗವ ಮಾಡಿ ಸದೃಢರಾಗೋಣ

ಮುಂಜಾನೆದ್ದು ದಿನಕರಗೆ ನಮಿಸಿ
ಸೂರ್ಯ ನಮಸ್ಕಾರ ಮಾಡೋಣ
ಏಕಾಗ್ರ ಚಿತ್ತರಾಗಿ ನಾವು
ವಿಧವಿಧ ಆಸನವ ಮುಗಿಸೋಣ

ಬನ್ನಿರಿ ಬಾಂಧವರೇ ಯೋಗವ ಮಾಡಿ ಸದೃಢರಾಗೋಣ

ಸುತ್ತಲೂ ಹಸಿರನು ಬೆಳೆಸುತ ನಾವು
ಶುದ್ಧ ಗಾಳಿಯ ಪಡೆಯೋಣ
ದೈಹಿಕ ಮಾನಸಿಕ ಆಧ್ಯಾತ್ಮಿಕ ಆರೋಗ್ಯ ಗಳಿಸುತ
ನಾವು ಸಂತೃಪ್ತಿಯ ಬಾಳು ಬಾಳೋಣ

ಬನ್ನಿರಿ ಬಾಂಧವರೇ ಯೋಗವ ಮಾಡಿ ಸದೃಢರಾಗೋಣ

ಆರೋಗ್ಯವೇ ಭಾಗ್ಯ ಯೋಗವೇ ಸೌಖ್ಯ
ಉಲ್ಲಾಸದಿ ನಾವು ನಲಿಯೋಣ
ಪೌಷ್ಟಿಕ ಆಹಾರ ತಿನ್ನುತ ನಾವು
ಆರೋಗ್ಯವಾಗಿ ಬದುಕೋಣ

ಬನ್ನಿರಿ ಬಾಂಧವರೇ ಯೋಗವ ಮಾಡಿ ಸದೃಢರಾಗೋಣ

ಉಷಾ ಪ್ರಶಾಂತ್
ಸಿದ್ದಾಪುರ

ಪ್ರಕಟಣೆಗಾಗಿ ಸಂಪರ್ಕಿಸಿ: