ಸುಗ್ಗಿ ಸಂಕ್ರಾಂತಿ

ನೇಸರನು ತನ್ನ ಪಥ ಬದಲಾಯಿಸುತಲಿ
ಹಿಗ್ಗುವ ಜನರಿಗೆ ಸುಗ್ಗಿಯ ತರುತಲಿ
ಬೆಳೆದ ಪೈರು ಅಂಗಳವ ಸೇರುತಲಿ
ಮಂದಹಾಸವು ಫಸಲು ಹಸನಾದ ರೈತನ ಮೊಗದಲಿ

ಎಳ್ಳು ಬೆಲ್ಲ ಕೊಬ್ಬರಿ ಕಬ್ಬು ಹಂಚುತಲಿ
ಸಂಕ್ರಾಂತಿ ಸೊಬಗು ರಂಗಿನ ಮೆರಗಲ್ಲಿ
ಅಂಗಳ ಸಿಂಗಾರಗೊಂಡಿದೆ ರಂಗೋಲಿಯ
ಚಿತ್ತಾರದಲ್ಲಿ ತನುಮನದಲಿ ಹೊಸ ಚೈತನ್ಯ ಮೂಡಲಿ

ಮಧುರ ಮಾತಲ್ಲಿ ಬಾಂಧವ್ಯ ಬೆಸೆಯುತಲಿ
ಕಹಿ ನೆನಪು ಮರೆಯಾಗಿ ಬಾಳಲ್ಲಿ ಸಿಹಿ ಅಂಕುರಿಸಲಿ
ಸಂತಸ ತುಂಬಿದ ಯಶಸ್ಸು ಜೊತೆಯಲಿ ಬರಲಿ
ವರ್ಷದ ಮೊದಲ ಹಬ್ಬ ಶುಭವ ತರಲಿ

ಸಂಕ್ರಾಂತಿ ಹಬ್ಬದ ಹಾರ್ದಿಕ ಶುಭಾಶಯಗಳು 💐💐

ಉಷಾ ಪ್ರಶಾಂತ್
ಸಿದ್ದಾಪುರ

ಪ್ರಕಟಣೆಗಾಗಿ ಸಂಪರ್ಕಿಸಿ: