ನನ್ನೊಳಗಿನ ಅವನಿಗೂ ಹೇಳಲಾಗದ ನೋವಿದೆ
ಅವನೊಳಗಿನ ನನಗೂ ಬಿಟ್ಟಿರಲಾಗದ ಹಿತವಿದೆ

ಬದುಕು ಒಳಿತು ಕೆಡಕುಗಳ ಗುಲಾಮ ಕಣೆ ಸಾಕಿ
ಅವಳೊಳಗಿನ ಮದಿರೆಗೂ ಸುಖವಿರದ ಗುಂಗಿದೆ

ಒಲವು ಕೊಡಲು ಭಾಗ್ಯವಲ್ಲ ಪಡೆಯಲ್ಯೋಗವೂ
ಅವನೊಳಗಿನ ನಗುವಿಗೂ ಅವಳಿಂದ ಭಯವಿದೆ

ಸರಿಸಿ ನಡೆಯುವುದು ಕಲಿ ಮನುಜ ದುರಾತ್ಮದಾಸೆ
ಚೆಲುವಿನವಳ ಗೆಲುವಿಗೂ ಅವನಿಯಿಂದ ಸಾವಿದೆ

ಸಾವಿನಂಗಡಿಯೊಳಗೆ ಸಾರ್ಥಕವಾಗಿರು ‘ಅಜ಼ಾದ’
ಅಂಗಭೋಗದ ಬೆನ್ನೇರದಿರು ಲಂಪಟತನದ ಸಾಲಿದೆ

ಮೈಬೂಬಸಾಹೇಬ.ವೈ
ಕ.ವಿ.ವಿ‌ ಧಾರವಾಡ