ಹನುಮನ ಜಾತ್ರೆ

ಅಜ್ಜಾ ಬಂದಾನ ಕರಿಯಾಕ
ಅವ್ರೂರಿನ ಜಾತ್ರೇ ಮಾಡಾಕ
ಹನುಮನ ತೇರು ಎಳಿಯಾಕ
ಭಕ್ತಿಯಿಂದ ಅವಗ ಕೈ ಮುಗಿಬೇಕ

ಬಗೆ ಬಗೆ ಬಣ್ಣದ ಪಟಗಳು
ಹೂಗಳ ಸುಂದರ ಹಾರಗಳು
ಕಟ್ಟಿಗೆ ತೇರು ಸಿಂಗಾರ
ಒಟ್ಟಿಗೆ ಬಾಳು ಬಂಗಾರ

ಅಜ್ಜ ಕೊಡಿಸಿದ ಮಿಠಾಯಿ
ತಲೆಗೆ ಸಿಕ್ಕಿಸಿದ ತುರಾಯಿ
ಕೊಡಿಸಿದ ಬಗೆ ಬಗೆ ಆಟಿಕೆ
ಮಾಡಲಿಲ್ಲ ಬೂಟಾಟಿಕೆ

ತಿರುಗುವ ಚಕ್ರವ ಹತ್ತಿಸಿದ
ಬೆಂಡು ಬೆತ್ತಾಸ ಕೊಡಿಸಿದ
ಗೋಬಿ ಪಾನೀಪೂರಿ ತಿನ್ನಿಸಿದ
ಸುಂದರ ಬಳೆಗಳ ಕೊಡಿಸಿದ

ಊರನ್ನೆಲ್ಲಾ ಸುತ್ತಿದೆವು
ಜಾತ್ರೆ ಸಂಭ್ರಮ ನೋಡಿದೆವು
ಹಿರಿ ಹಿರಿ ಹಿರಿ ಹಿಗ್ಗಿದೆವು
ತಕ ತಕ ತಕ ತಕ ಕುಣಿದೆವು

ಕೊಟ್ರೇಶ ಜವಳಿ
ಹಿರೇವಡ್ಡಟ್ಟಿ

ಪ್ರಕಟಣೆಗಾಗಿ ಸಂಪರ್ಕಿಸಿ: