ಬೇಕೆ ಬೇಕು ಗಾಂಧಿ ಯಾತಕ್ಕೆ ?

ಗಾಂಧೀ ಖಾದಿ ಬಟ್ಟೆ ತೊಟ್ಟವರಿಗೆ ಬೇಕು

ಗಾಂಧೀ ಸಧನದಲ್ಲಿ ಬಡಾಯಿ ಕೊಚ್ಚುಕೊಳ್ಳುವವರಿಗೆ ಬೇಕು

ಗಾಂಧೀ ದೇಶನಾಳುವ ಪಿಎಂಗೂ ರಾಜ್ಯನಾಳುವ ಸಿಎಂಗೂ ಬೇಕು

ಗಾಂಧೀ ಯಾವಾಗಲೂ ತಂಟೆ ತೆಗೆಯುವ ವಿಪಕ್ಷರಿಗೂ ಬೇಕು

ಗಾಂಧಿ ಬೇಕೆ  ಬೇಕು !

ಬೇಕೆ ಬೇಕು ಗಾಂಧಿ ಯಾತಕ್ಕೆ ?

ಗಾಂಧಿಯು ಪಟ್ಟಣಕ್ಕೊಂದು ರಸ್ತೆಗೆ  ಹೆಸರಿಡಲು ಬೇಕು

ಗಾಂಧಿಯು ನಗರದಲ್ಲೂಂದು ಪುಸ್ಥಳಿ ಅನಾವರಣಗೊಳ್ಳಿಸಲು ಬೇಕು

ಗಾಂಧಿಯು ಗ್ರಂಥಾಲಯಕ್ಕೊಂದು ಪುಸ್ತಕ ಇಡಲು ಬೇಕು

ಗಾಂಧಿಯು ನೊಟಿನೊಳ್ಳಗೆ ಮುದ್ರಿಸಲು ಬೇಕು

ಗಾಂಧಿ ಬೇಕೆ ಬೇಕು !

ಬೇಕೆ ಬೇಕು ಗಾಂಧಿ ಯಾತಕ್ಕೆ ?

ಗಾಂಧೀ ಫೋಟೂ ಕೊರ್ಟ-ಕಛೇರಿಯಲ್ಲಿ ನೇತಾಕಲು ಬೇಕು

ಗಾಂಧೀ ಫೋಟೂ ಶಾಲಾ-ಕಾಲೇಜಿನಲ್ಲಿ ಮಾಡಿನಲ್ಲಿಡಲು ಬೇಕು

ಗಾಂಧೀ ಫೋಟೂ ರಾಜಕಾರಣಿಯ ಮನೆಯ ಶೊಕೇಶಿನಲ್ಲಿಡಲು ಬೇಕು

ಗಾಂಧೀ ಪೋಟೂ ಖಾದಿ ಗ್ರಾಮೂದ್ಯೋಗಲ್ಲಿಡಲು ಬೇಕು

ಗಾಂಧಿ ಬೇಕೆ ಬೇಕು !

ಬೇಕೆ ಬೇಕು ಗಾಂಧಿ ಯಾತಕ್ಕೆ ?

ಗಾಂಧೀ ಮೆಟ್ಟಿರುವ ಪಾದರಾಕ್ಷಿ ಬೇಕು

ಗಾಂಧೀ ತೊಟ್ಟಿರುವ ಬಟ್ಟೆ ಬೇಕು

ಗಾಂಧೀ ಹಾಕಿರುವ ಕನ್ನಡಕ ಬೇಕು

ಗಾಂಧೀ ಬಳಸಿದ ವಸ್ತುಗಳು ಹರಾಜಕಿಡಲು ಬೇಕು

ಗಾಂಧಿ ಬೇಕೆ ಬೇಕು !

ಬೇಕೆ ಬೇಕು ಗಾಂಧಿ ಯಾತಕ್ಕೆ ?

ಗಾಂಧೀ ಶಾಂತಿ-ಸತ್ಯಾಗ್ರಹಕ್ಕೆ ಬೇಕು

ಗಾಂಧೀ ಪ್ರತಿಮೆಗೆ ಅಂಜಲಿ-ಸೇವಂತಿ ಬೇಕು

ಗಾಂಧೀ ಸಮಾದಿಗೆ ಶ್ರದ್ಧಾಂಜಲಿ ಬೇಕು

ಗಾಂಧೀ ತತ್ವಗಳಿಗೆ ತಿಲಾಂಜಲಿ ತಿಲಾಂಜಲಿ

ಗಾಂಧಿ ಬೇಕೆ ಬೇಕು !

ಡಾ.ಯಮನಪ್ಪ ಸಂ.ಹೊಸಮನಿ

ಕನ್ನಡ ಸಹಾಯಕ ಪ್ರಾಧ್ಯಾಪಕರು

ಮೊಬೈಲ್  – ೯೭೪೩೦೬೦೬೧೪