ಬಾನಂಗಳದಿ ರಾರಾಜಿಸುವ ದಿನಕರನಿವನು
ಕತ್ತಲೆ ಕಳೆದು ಜಗಕೆ ಬೆಳಕನ್ನು ನೀಡುವನು
ಸಪ್ತ ಅಶ್ವಗಳನ್ನೇರಿ ಬರುವ ಸಾರಥಿಯಿವನು
ನವಗ್ರಹಗಳಿಗೆ ಅಧಿಪತಿ ಸೂರ್ಯ ದೇವನು

ಎಕ್ಕದ ಎಲೆಯ ಶಿರದಲ್ಲಿಟ್ಟು ಮೀಯಬೇಕು
ಸಕಲ ಜೀವರಾಶಿಗೆ ಎಳೆಬಿಸಿಲು ಬೀಳಬೇಕು
ಸಕಲ ಚರ್ಮ ರೋಗ ವ್ಯಾಧಿಗಳ ನಿವಾರಕನು
ಸೂರ್ಯಕೋಟಿ ಸಮಪ್ರಭ ಜ್ಯೋತಿ ಬಾಸ್ಕರನು

ಬ್ರಹ್ಮ ವಿಷ್ಣು ಮಹೇಶ್ವರ ತ್ರಿಮೂರ್ತಿ ಅಂಶದವನು
ರಜತ ರಥದಲ್ಲಿ ಆಸೀನನಾಗಿ ಕಂಗೊಳಿಸುವನು
ಸಪ್ತಮಿಯ ಶುಭದಿನ ಪಥವ ಬದಲಾಯಿಸುವನು
ರಥಸಪ್ತಮಿ ದಿನ ಭಕ್ತರ ಕೋರಿಕೆ ನೆರವೇರಿಸುವನು

ಆದಿತ್ಯ ಹೃದಯ ಸ್ನೋತ್ರಕ್ಕೆ ಒಲಿಯುವವನು
ಎಣ್ಣೆ ಬತ್ತಿ ಇಲ್ಲದೆ ಬೆಳಕು ನೀಡುವ ದೇವನಿವನು
ಪೂರ್ವಕ್ಕೆ ಉದಯಸಿ ಪಶ್ಚಿಮಕ್ಕೆ ಮುಳುಗುವನು
ನೂರಾ ಎಂಟು ಬಾರಿ ನಮಸ್ಕರಿಸಿದರೆ ಅಸ್ತುಎನ್ನುವವನು

ಪೂರ್ಣಿಮಾ ರಾಜೇಶ್

ಪ್ರಕಟಣೆಗಾಗಿ ಸಂಪರ್ಕಿಸಿ:

ಇದು ವೆಬ್ ಸೈಟ್ ಮತ್ತು ಯ್ಯಾಪ. ಇದರಲ್ಲಿ ಪ್ರಕಟಣೆಗಾಗಿ ನಿಮ್ಮ ಕವನ, ಕಥೆ, ಪ್ರಬಂಧ, ಲೇಖನ ಹಾಗೂ ಪುಸ್ತಕ ವಿಮರ್ಶೆಗಳನ್ನು ಕಳುಹಿಸಬಹುದು.
WhatsApp No. 8310000414 ಗೆ ಕಳುಹಿಸಬಹುದು.

ಇದನ್ನೂ ಓದಿ: ಗಾಂಧಿ ನೇಯ್ದಿಟ್ಟ ಬಟ್ಟೆ
ಈಗಲೇ ವಾಟ್ಸಾಪ್ ಚಾನೆಲ್ ಫಾಲೋ ಮಾಡಿ: ಕ್ಲಿಕ್ ಮಾಡಿ