ನಮ್ಮಯ ನೆರಳೊಂದೆ ಸದಾ ಜೊತೆಗಿಹುದು
ಕತ್ತಲಾದರೆ ಕಾಣದಾಗ ಕಪ್ಪನೆಯ ನೆರಳದು
ಎಲ್ಲಾ ವರ್ಗದ ಮನುಷ್ಯನಿಗೂ ಕಾಣುವುದು
ಒಂದೇ ಬಣ್ಣದಲ್ಲಿ ಶ್ರೇಷ್ಠವೆಂದು ಸಾರುತಿಹುದು

ಅರುಣೋದಯದಿ ಮೂಡಿದೆ ರವಿಕಿರಣವು ಭುವಿಗೆ
ಎಷ್ಟೊಂದು ಲಂಬವಿದೆ ಮುಂಜಾನೆಯ ನೆರಳಿಗೆ
ಬಿರುಬಿಸಿಲ ಧಗೆಯಲಿ ಹುಡುಕುತ ಮರದ ನೆರಳಿಗೆ
ಧನ್ಯವಾದ ತಂಪನೆರೆದು ಪೋಷಿಸುವ ಹಸಿರ ಮಾತೆಗೆ

ಕಷ್ಟಕ್ಕೆ ನೆರವಾಗು, ಪ್ರಾಮಾಣಿಕ ವ್ಯಕ್ತಿತ್ವದ ಸಾಲಿನಲಿ
ಆಪತ್ತಿಗೆ ಆಸರೆಯಾಗು ದಯಾಧಾಕ್ಷಿಣ್ಯ ತೋರುತಲಿ
ಒಂಟಿಯಾದರು ಮರುಗಬೇಡ ಸಮಾಜದ ನಡೆಯಲಿ
ಸದಾಕಾಲ ಜೊತೆಗೆ ಇರುವುದು ನಿನ್ನಿ ಆತ್ಮವಿಸ್ವಾಸದಲಿ

ಹೊಂಗೆ ಮರವಾದರೇನು? ಅರಳಿ ಮರವಾದರೇನು?
ಹಗಲಿನಲಿ ತೋರುವುದು ಒಂದೇತರ ನೆರಳಲ್ಲವೇನು?
ಹೆಣ್ಣು &ಗಂಡಾದರೇನು?ಬಾಳಿನಲ್ಲಿ ಸಮವಲ್ಲವೇನು?
ಪ್ರಕೃತಿಯ ಸೊಬಗಿನ ಮುಂದೆ ಎಲ್ಲ ಗೌಣವಲ್ಲವೇನು?

ಧನ್ಯವಾದಗಳು

ಸವಿತಾ ಮುದ್ಗಲ್
ಗಂಗಾವತಿ

ಪ್ರಕಟಣೆಗಾಗಿ ಸಂಪರ್ಕಿಸಿ:

ಇದು ವೆಬ್ ಸೈಟ್ ಮತ್ತು ಯ್ಯಾಪ. ಇದರಲ್ಲಿ ಪ್ರಕಟಣೆಗಾಗಿ ನಿಮ್ಮ ಕವನ, ಕಥೆ, ಪ್ರಬಂಧ, ಲೇಖನ ಹಾಗೂ ಪುಸ್ತಕ ವಿಮರ್ಶೆಗಳನ್ನು ಕಳುಹಿಸಬಹುದು.
WhatsApp No. 8310000414 ಗೆ ಕಳುಹಿಸಬಹುದು.