ನಮ್ಮ ಬಾವುಟ

ಆಂಧ್ರದ ಪಿಂಗಳಿ ವೆಂಕಯ್ಯನು ವಿನ್ಯಾಸಗೊಳಿಸಿದನು
ಭಾರತೀಯರ ಪ್ರತೀಕವಿದು ತ್ರಿವರ್ಣ ಧ್ವಜಾರೋಹಣವಿದು

22ನೇ ಜುಲೈ 1947ರಂದು ಅಂಗಿಕರಿಸಲಾಯಿತು
ಧಾರವಾಡ ಗರಗದ ಬಟ್ಟೆಯಿಂದ ಧ್ವಜವಾಯಿತು

ಕೆಂಪುಕೋಟೆಯ ಮೇಲೆ ಸದಾ ಹಾರಾಡುವುದು
ನಮ್ಮ ಹೆಮ್ಮೆಯ ಸಂಕೇತವಾಗಿ ಮೆರೆಯುತಿಹುದು

ಸಂಹಿತೆಯಾದಾರದಿ ಧ್ವಜಾರೋಹಣ ಮಾಡಬೇಕು
ಪರೇಡಿನ ವೇಳೆಯಲಿ ಸದಾ ಬಲಗೈಯಲಿರಬೇಕು

ಎಷ್ಟು ಚಂದ ಎಷ್ಟು ಅಂದ ಬಾವುಟ ಭಾರತ ದೇಶದ್ದು
ಮೂರು ಬಣ್ಣದ ಸುಂದರ ಕಣ್ಣೋಟದ ಧ್ವಜವಿದು

ಕೇಸರಿ, ಬಿಳಿ, ಹಸಿರುಬಣ್ಣದ ಮಿಶ್ರಿತವು
ನಡುವೆ ನೀಲಿ ಬಣ್ಣದ ಅಶೋಕ ಚಕ್ರವು

ಕೇಸರಿ ಸಾರುವುದು ಬಲಿದಾನದ ಬದುಕನ್ನು
ಬಿಳಿಬಣ್ಣ ಹೇಳುವುದು ಶಾಂತಿಯ ಸಂಕೇತವನ್ನು

ಹಸಿರು ಬಣ್ಣ ಪ್ರಕೃತಿಯನ್ನು ಸಾರುವುದು
ನೀಲಿಬಣ್ಣದೊಂದಿಗೆ ಇಪ್ಪತ್ನಾಲ್ಕು ಗೆರೆಗಳಿರುವುದು

15ಆಗಸ್ಟ್ ಸ್ವಾತಂತ್ರ್ಯ ದಿನದ ಕಹಳೆಯು ಮೂಡಲು
ದೇಶಭಕ್ತಿಗೆ ನನ್ನೀ ಮನವು ಸದಾ ಮಿಡಿಯುತಿರಲು

ಸವಿತಾ ಮುದ್ಗಲ್
ಬಳ್ಳಾರಿ

ಪ್ರಕಟಣೆಗಾಗಿ ಸಂಪರ್ಕಿಸಿ: