ಮೋಕ್ಷದ ಬಯಲು

ಬೇಡವಾದ ಮನಸ್ಥಿತಿಗಳ ಮಧ್ಯೆ ನಿತ್ಯವು
ಆಸೆಯಿತ್ತು ಸಾಗುವುದೇ ರೋಚಕ ಸಂಗತಿ

ಕತ್ತಲಿಂದ ಕಳಚಿ ಬೆಳಕಿನ ಹೋರಾಟ ಮಾಡಿದರೇನು
ಸುಡುವ ಮನಗಳಲಿ ಯಾವ ತೈಲವ ಸುರಿದರೇನು

ಕಾಣುವ ಕೆಸರಿನ ಕಂಗಳಲಿ ಕಾರ್ಮೋಡದ
ಚಲನೆಗೆ ಭಯಭೀತಿ ಬಿತ್ತಿದವರೆ
ಸಾಮ್ರಾಜ್ಯ ತೊರೆದಂತೆಯಿಲ್ಲಿ

ಅಜ್ಞಾನದ ಒಡಲಲ್ಲಿ ಸಿಕ್ಕಿ ಅರೆಬೆಂದ ಅನ್ನವು
ಪ್ರಯೋಜನವಿಲ್ಲದಂತೆ ಬಲ್ಲಿದರ ಬಾಳಿಗೆ
ಕೆಡಕುಂಟು ಮಾಡಲು ದೀಪವಿಡುವಂತೆ

ಭೋದಿವೃಕ್ಷಕೆ ಕಾಲವೇ ತಿಳಿಸಿ ಹೇಳಲು ಹಣ್ಣಾದ ಎಲೆಗಳು
ಮೆತ್ತಿಕೊಂಡಿವೆ ದಾಹವ ತೀರಿಸಲು ಬಿದ್ದ
ಬೇಲಿಯ ಮೇಲಂತೆ ಮೋಕ್ಷದ ಬಯಲು

ನಗುವನೇ ಮತ್ತೊಮ್ಮೆ ಬುದ್ಧನು ನಮ್ಮನು ನೋಡಿ
ಬರುವನೇ ಮತ್ತೊಮ್ಮೆ ಬುದ್ಧನು ಅಳಿಸಲು ಜಗದ
ಕತ್ತಲಿನ ಮನಸುಗಳಿಗೆ ಬೆಳಕಿನ ಕಿರಣ ಸೂಸಲು!

ಸವಿತಾ ಮುದ್ಗಲ್
ಗಂಗಾವತಿ

ಪ್ರಕಟಣೆಗಾಗಿ ಸಂಪರ್ಕಿಸಿ: