ಮನಸ್ಸು ಹಾರುವ ಹಕ್ಕಿ

ರೆಕ್ಕೆ ಪುಕ್ಕಗಳ ಗೊಡವೆ ಇಲ್ಲದೆಯೇ
ಮತಿಯೆಂಬ ಮರದಲಿ ಗೂಡು ಕಟ್ಟಿ
ಭಾವತರಂಗಗಳಲಿ ಗುರಿಗತಿ ತಪ್ಪುತ್ತ
ಹಾರುತ್ತಿದೆ ಮನಸ್ಸೆಂಬ ಹಕ್ಕಿ ಹಾರುತ್ತಿದೆ

ಕುಂತಲ್ಲೇ ಕೂರದೆ ನಿಂತಲ್ಲೆ ನಿಲ್ಲದೆಯೇ
ದಿಗಂತದಾಚೆಗೆ ಬಾನು ಭುಮಿಯ ಮೆಟ್ಟಿ
ನವಸಗಳ ಅರೆಬರೆಯಾಗಿ ಸವಿಯುತ್ತ
ಹಾರುತ್ತಿದೆ ಮನಸ್ಸೆಂಬ ಹಕ್ಕಿ ಹಾರುತ್ತಿದೆ

ರಹದಾರಿಯ ಭೀತಿ ಪಜೀತಿ ಇಲ್ಲದೆಯೇ
ಭಾವನಾ ಲೋಕದಲಿ ಆಶಾ ನಭವ ಮುಟ್ಟಿ
ನೋವು ನಲಿವುಗಳ ಭಾವಗಳ ಬಿಚ್ಚಿಡುತ್ತ
ಹಾರುತ್ತಿದೆ ಮನಸ್ಸೆಂಬ ಹಕ್ಕಿ ಹಾರುತ್ತಿದೆ

ದೂರದೂರವ ಅರೆಗಳಿಗೆಯಲಿ ಅಪ್ಪಿಯೇ
ಬಣ್ಣ ಬಣ್ಣದ ರೆಕ್ಕೆಗಳಲಿ ಕಲ್ಪನೆಗಳ ಕಟ್ಟಿ
ಅಳುನಗುವಿನ ಸಿಂಚನದಲಿ ಸಂಚರಿಸುತ್ತ
ಹಾರುತ್ತಿದೆ ಮಸಸ್ಸೆಂಬ ಹಕ್ಕಿ ಹಾರುತ್ತಿದೆ

ಡಾ.ಡಿ.ಫ್ರಾನ್ಸಿಸ್ ಕ್ಸೇವಿಯರ್
ಹರಿಹರ, ದಾವಣಗೆರೆ ಜಿಲ್ಲೆ

ಪ್ರಕಟಣೆಗಾಗಿ ಸಂಪರ್ಕಿಸಿ:

Comments are closed.