ಶುಭ ಶ್ರಾವಣ ಮಾಸದ ಕೃಷ್ಣ ಪಕ್ಷದಲ್ಲಿ
ಅಷ್ಟಮಿ ತಿಥಿಯಂದು ಮಧ್ಯರಾತ್ರಿಯಲ್ಲಿ
ಶ್ರೀಕೃಷ್ಣನ ಜನ್ಮ ಚಂದ್ರ ರೋಹಿಣಿ ನಕ್ಷತ್ರದಲ್ಲಿ
ವಸುದೇವ ಮತ್ತು ದೇವಕಿಯ ಗರ್ಭದಲ್ಲಿ

ಅಷ್ಟಪುತ್ರ ರತ್ನವಾಗಿ ಜನಿಸಿದ ಸಿದ್ದಿಪುರುಷನು
ಭೂಮಿಗೆ ಬಂದ ದೇವಕಿಯ ಕಂದ ಶ್ರೀಕೃಷ್ಣನು
ಸಾಕುತಾಯಿ ಯಶೋಧೆಯ ಮಡಿಲಲ್ಲಿ ಬೆಳೆದವನು
ಗೊಲ್ಲರೊಡನೆ ಗೋವ ಕಾಯ್ದ ಬಾಲಗೋಪಾಲನು

ಗೋವರ್ಧನ ಗಿರಿಯನ್ನು ಕಿರುಬೆರಳಲ್ಲಿ ಎತ್ತಿದವನು
ಗೋಪಾಲಕೃಷ್ಣ ಗಿರಿಧಾರಿ ಗೊಲ್ಲ ಗೋಪಿಲೋಲನು
ಕೊಳಲನು ನುಡಿಸುವ ಮುರುಳಿ ಮುರಾರಿಯಿವನು
ಬೆಣ್ಣೆ ಮೊಸರು ಕದ್ದ ಕಳ್ಳಕೃಷ್ಣ ನವನೀತ ಚೋರನು

ಜಯ ಜನಾರ್ದನ ಜಗದ್ದೋದ್ಧಾರಕ ಜಗದರಕ್ಷಕನು
ನೀಲಮೇಘ ಶ್ಯಾಮ ಪುರುಷೋತ್ತಮ ಮಹಿಮನು
ನಾರಾಯಣ ಕೇಶವನು ಶ್ರೀ ಹರಿ ಸರ್ವೋತ್ತಮನು
ವಂದೇ ವಿಷ್ಣು ಜಗದ್ಗುರು ಶ್ರೀಕೃಷ್ಣ ವಾಸುದೇವನು

ಪೂರ್ಣಿಮಾ ರಾಜೇಶ್
ಕವಿಯಿತ್ರಿ ಹವ್ಯಾಸಿ ಬರಹಗಾರ್ತಿ
ಬೆಂಗಳೂರು

ಪ್ರಕಟಣೆಗಾಗಿ ಸಂಪರ್ಕಿಸಿ:

ಇದು ವೆಬ್ ಸೈಟ್ ಮತ್ತು ಯ್ಯಾಪ. ಇದರಲ್ಲಿ ಪ್ರಕಟಣೆಗಾಗಿ ನಿಮ್ಮ ಕವನ, ಕಥೆ, ಪ್ರಬಂಧ, ಲೇಖನ ಹಾಗೂ ಪುಸ್ತಕ ವಿಮರ್ಶೆಗಳನ್ನು ಕಳುಹಿಸಬಹುದು.
WhatsApp No. 8310000414 ಗೆ ಕಳುಹಿಸಬಹುದು.

ಇದನ್ನೂ ಓದಿ: ಸವಿತಾ ಮುದ್ಗಲ್ ಅವರ ನೆರಳಿಗಂಟಿದ ಭಾವ ಕವನ ಸಂಕಲನ ಕೃತಿಯ ಪರಿಚಯ
ಈಗಲೇ ವಾಟ್ಸಾಪ್ ಚಾನೆಲ್ ಫಾಲೋ ಮಾಡಿ: ಕ್ಲಿಕ್ ಮಾಡಿ