ವಿದ್ಯಾಲಯ ನಮ್ಮ ಜ್ಞಾನದ ಆಲಯವೆನ್ನಬೇಕು
ತಾಯಿ ಶಾರದಾ ದೇವಿಗೆ ಕರವ ಮುಗಿಯಬೇಕು
ಅಜ್ಞಾನದ ಅಂಧಕಾರದ ಕತ್ತಲೆಯ ಕಳೆಯಬೇಕು
ಸುಜ್ಞಾನದ ಬೆಳಕನು ಜಗಕೆಲ್ಲ ಪಸರಿಸಬೇಕು

ವಿದ್ಯಾ ಬುದ್ದಿಯ ಅರಿವು ಮೂಡಿಸುವವರು
ತಿದ್ದಿ ತೀಡಿ ವಿದ್ಯೆಯ ಕಲಿಸುವ ಜ್ಞಾನದಾತರಿವರು
ಜ್ಞಾನವೆಂಬ ದೇಗುಲದಿ ಶಿಕ್ಷಣವ ಕಲಿಸುವವರು
ಸನ್ಮಾರ್ಗದ ಹಾದಿಯ ತೋರುವ ಗುರುಯಿವರು

ಅಆಇಈಉ ಕನ್ನಡ ಅಕ್ಷರಗಳ ಬರೆಸುವವರು
ಕಲೆ- ವಿಜ್ಞಾನ ವಿಷಯಗಳ ಭೋದಿಸುವವರು
ವಿದ್ಯಾರ್ಥಿಗಳಿಗೆ ಶಿಸ್ತನ್ನು ಕಲಿಸುವ ಶಿಕ್ಷಕರಿವರು
ಸಂಗೀತ, ನೃತ್ಯ ಕಲಿಯಲು ಪ್ರೋತ್ಸಾಹಿಸುವವರು

ಗುರುಗಳಿಗೆ ವಂದಿಸುತ ಗೌರವ ಕೊಡಬೇಕು
ಜ್ಞಾನ ದಾತರಿಗೆ ಶರಣು ಶರಣು ಎನ್ನಬೇಕು
ಶಿಕ್ಷಕರ ದಿನಾಚರಣೆಯನ್ನು ಆಚರಿಸಬೇಕು
ಶಿಕ್ಷಕರನ್ನು ಅಭಿನಂದಿಸಿ ಸನ್ಮಾನ ಮಾಡಬೇಕು

ಪೂರ್ಣಿಮಾ ರಾಜೇಶ್
ಬೆಂಗಳೂರು