ಜಗಜ್ಯೋತಿ ಬಸವಣ್ಣ

ಕೈಲಾಸ ದೊಡ್ಡದಲ್ಲ
ಕಾಯಕವೇ ದೊಡ್ಡದೆಂದು ಸಾರಿದವರು
ಕತ್ತಲೆಯ ಊರಿಗೆಲ್ಲಾ ಬೆಳಕನ್ನು
ಬೆಳಗಿದವರು ಬಸವಣ್ಣ

ಧರ್ಮ ದೊಡ್ಡದಲ್ಲ
ದಯವೇ ದೊಡ್ಡದೆಂದು ಹೇಳಿದವರು
ಅಜ್ಞಾನದ ಓಣಿಗೆ ಜ್ಞಾನದ
ಅಕ್ಷರ ಬಿತ್ತಿದವರು ಬಸವಣ್ಣ

ಅರಿವು ದೊಡ್ಡದಲ್ಲ
ಆಚಾರ ದೊಡ್ಡದೆಂದು ತಿಳಿಸಿದರು
ಅನಿಷ್ಠ ಪದ್ಧತಿಯನ್ನು ನಿರ್ಮೂಲನೆ
ಮಾಡಿದವರು ಬಸವಣ್ಣ

ಅಧಿಕಾರ ದೊಡ್ಡದಲ್ಲ
ಅಭಿಮಾನ ದೊಡ್ಡದೆಂದು ರೂಪಿಸಿದವರು
ಎಲ್ಲರನ್ನೂ ನಮ್ಮ ಮನೆಯ
ಮಗನೆಂದು ಕರೆದವರು ಬಸವಣ್ಣ

ಸನ್ಮಾನ ದೊಡ್ಡದಲ್ಲ
ಸಂಸ್ಕಾರ ದೊಡ್ಡದೆಂದು ತೋರಿಸಿದವರು
ಜಾತಿ ಪದ್ಧತಿಯ ಬೇರುಗಳನ್ನು
ಕಿತ್ತು ಎಸೆದವರು ಬಸವಣ್ಣ

ಹಣ ದೊಡ್ಡದಲ್ಲ
ಗುಣ ದೊಡ್ಡದೆಂದು ಗುರುತಿಸಿದವರು
ಅಂತರ್ಜಾತಿ ವಿವಾಹ ಮಾಡಿ
ಸಮಾನತೆ ತಂದವರು ಬಸಣ್ಣ

ಮನೆ ದೊಡ್ಡದಲ್ಲ
ಮನ ದೊಡ್ಡದೆಂದು ನಿರ್ಣಯಿಸಿದವರು
ಪ್ರಾಣಿಗಳ ಮೇಲೆ ಕರುಣೆಯ ದಯೇ
ಇರಲಿ ಎಂದವರು ಬಸವಣ್ಣ

ವಿದ್ಯ ದೊಡ್ಡದಲ್ಲ
ಅನುಭವ ದೊಡ್ಡದೆಂದು ದೃಡಿಕರಿಸಿದವರು
ಅನುಭವ ಮಂಟಪದಲ್ಲಿ ಸಾವಿರಾರು
ಶರಣರಿಗೆ ಸ್ಥಾನ ಕೊಟ್ಟವರು ಬಸವಣ್ಣ

ಮಹಾಂತೇಶ ಬೇರಗಣ್ಣವರ

ಪ್ರಕಟಣೆಗಾಗಿ ಸಂಪರ್ಕಿಸಿ: