ಭಕ್ತಿ ಭಂಡಾರ

ಶತ ಶತಮಾನದ ಆರಾಧ್ಯ ದೈವ
ಇಷ್ಟಲಿಂಗವ ಧರಿಸಿ ಎನಿಸಿದ ಬಸವ
ಮೂರ್ತಿ ಪೂಜೆ ಖಂಡಿಸಿದ ಮಹಾನುಭಾವ
ಅಂಕಿತವದು ಕೂಡಲ ಸಂಗಮ ದೇವಾ…

ದುಡಿಮೆಯಲಿ ಕೈಲಾಸ ಕಂಡ
ಕಾಯಕಯೋಗಿ,
ಹಸಿದು ಬಂದವರಿಗೆ ಅನ್ನ ದಾಸೋಹಿ,
ಜ್ಯೋತಿರ್ಲಿಂಗದ ಮಹಿಮೆ ಸಾರಿದ ಶಿವ ಶರಣ..
ಸಮಾನತೆಯ ಹರಿಕಾರ ಬಸವಣ್ಣ…

ಅಕ್ಷಯ ತದಿಗೆಯಂದು ಜನಿಸಿತೊಂದು ಜ್ಯೋತಿ
ಲೋಕ ಕಲ್ಯಾಣಕಾಗಿ ಶ್ರಮಿಸಿತು
ವಚನಾಮೃತವ ಸಾರಿ
ಅಸಮಾನತೆಯ ತೊಲಗಿಸಲು
ಅಂಧಕಾರವ ಅಳಿಸಲು ಮುನ್ನಡೆಯಿತು
ಅನುಭವ ಮಂಟಪದ ಕೀರ್ತಿ

ಜ್ಞಾನ ಭಂಡಾರವಿದು
ಸಮಾಜ ಶುದ್ಧಿ ಮಾಡುವುದು
ಮೇಲು ಕೀಳೆಂಬ ಬೇಧವ ಮಾಡದು..
ಮಾನವ ಕುಲವೊಂದೇ ಎಂಬುದು
ಹೀನ ಕೃತ್ಯಗಳ ತೊರೆಯುವುದು

ಸವಿತಾ ದೇಶಪಾಂಡೆ
ತಾವರಗೇರಾ
ತಾ : ಕುಷ್ಟಗಿ ಜಿ : ಕೊಪ್ಪಳ
ಮೊ ಸಂಖ್ಯೆ :7349094205

ಪ್ರಕಟಣೆಗಾಗಿ ಸಂಪರ್ಕಿಸಿ: