ಮಹಾತ್ಮ

ಕೇಳ ಬನ್ನಿರಿ ಒಂದು ಕಥೆಯ
ಹೇಳುವೆನು ನಾ ಒಬ್ಬ ವ್ಯಕ್ತಿಯ
ಶಸ್ತ್ರವಿಲ್ಲದೆ ಹೋರಾಡಿದ ಗಾಥೆಯ
ಮಹಾತ್ಮನಾಗಿ ಮೆರೆದ ಕಥೆಯ

ಜಗತ್ತಿಗೆಲ್ಲ ಒಬ್ಬನೇ ತಾತನು
ಮಹಾತ್ಮಾ ಗಾಂಧೀ ತಾತನು
ತಾತನು ನಮ್ಮೆಲ್ಲರ ಮನದಲ್ಲಿ
ಮಾಡಿ ಧೃಢಸಂಕಲ್ಪ ಸಹನೆಯಲ್ಲಿ

ಸಂಕಲ್ಪದಿ ಶುರುವಾಯಿತು ಸತ್ಯಾಗ್ರಹವು
ಸತ್ಯಾಗ್ರಹದಿ ಸತ್ಯ ಅಹಿಂಸಾವಾದವು
ಅಹಿಂಸಾವಾದದಿ ಸಮರಸ ಶಾಂತಿಯು
ಶಾಂತಿಯಿಂದ ಹುಟ್ಟಿತು ಚಳವಳಿಯು

ಚಳವಳಿಯಿಂದ ದೊರೆಯಿತು ಸ್ವಾತಂತ್ರ್ಯವು
ಸ್ವಾತಂತ್ರ್ಯ ಸಂಗ್ರಾಮದಿ ಕಳೆಯಿತು ದಾಸ್ಯವು
ದಾಸ್ಯದ ಸುರುಳಿ ಸಂಕೋಲೆ ಕಡಿದರು
ಮಹಾತ್ಮ ಗಾಂಧೀಯೇ ರಾಷ್ಟ್ರಪಿತರು

ಅಹಿಂಸಾವಾದದಲಿ ಅಡಗಿದೆ ದಿವ್ಯ ಶಕ್ತಿ
ಶಕ್ತಿಯಲಿ ಅಡಗಿದೆ ಅದಮ್ಯ ದೇಶ ಭಕ್ತಿ
ಆಶಾವಾದಿ ಆಗಿ ಹೊಮ್ಮಿಸಿದರು ಆಸಕ್ತಿ
ಮಹಾತ್ಮರಾಗಿ ಹೋರಾಡಿ ಪಡೆದರು ಮುಕ್ತಿ

ಶ್ರೀಮತಿ ದೀಪಾಲಿ ಸಾಮಂತ
ದಾಂಡೇಲಿ, ಉತ್ತರ ಕನ್ನಡ

ಪ್ರಕಟಣೆಗಾಗಿ ಸಂಪರ್ಕಿಸಿ: