ಕಲಿಯುಗದ ಸೃಷ್ಟಿ

ಬ್ರಹ್ಮದೇವರು ಮಂಗಳವೆನಿಸಿ ಸೃಷ್ಟಿಸಿದ ದಿನ
ಶ್ರೀ ವಿಷ್ಣುದೇವನು ಯುಗಗಳನ್ನಾಳುತ್ತ
ಕಲಿಯುಗಕ್ಕೆ ಆರಂಭ ನೀಡಿದ ದಿನ
ಶ್ರೀ ಕೃಷ್ಣನಡಿಯಿಂದಲೆ ಬಂತು ಯುಗಾದಿ ಹಬ್ಬದ ದಿನ

ಭಾರತಾದ್ಯಂತ ಅವರವರ ಸಂಸ್ಕೃತಿಯಂತೆ
ಮನೆಯ ಸ್ವಚ್ಚತೆಯಲಿ ಮನವು ಶುಚಿಗೊಳಿಸುತ್ತ
ಹೊಸ ಉತ್ಸಾಹ ಚೈತನ್ಯ ಭಾವದಲ್ಲಿ ಮೊಳಗುತ್ತ
ವರ್ಷದಲೊಮ್ಮೆ ಬ್ರಹ್ಮ ದೇವನನ್ನು ನಮಿಸುವ ದಿನ

ಆದಿಯ ಮೂಲವಾಗಿ ಶಿವನನ್ನು ನಂಬಿ
ಸೂರ್ಯ ಚಂದ್ರನ ಸೌರವವನ್ನು ಕಂಡು
ಇಷ್ಟ ದೇವತೆಗಳ ಪೂಜೆಯ ಮಾಡುವ
ಹಿಂದೂ ಸಂಪ್ರದಾಯಕವಾದ ದಿನ

ಗಣಿತಜ್ಞರಾದ ಭಾಸ್ಕರಾಚಾರ್ಯರು
ಪ್ರಸ್ತುತ ಪಡಿಸಿದ ಚೈತ್ರ ಮಾಸದ ದಿನ
ವಸಂತಕಾಲದ ಚಿಗುರುವ ಪ್ರಕೃತಿಯ ಸಿರಿಯಲ್ಲಿ
ಹೊಸವರ್ಷದಾರಂಭ ನೀಡಿರುವ ದಿನ

ಮಾವು ಉಪ್ಪು ಖಾರ ಬೇವು ಬೆಲ್ಲದಂತೆ
ಕಹಿ ಘಟನೆ ದುಃಖ ನೋವು ಮರೆತು
ಸಿಹಿ ಸಂಭ್ರಮ ಸಂತೋಷ ಹಂಚಿಕೊಳ್ಳುತ್ತ
ಆಚರಿಸುವ ಚಂದ್ರಮಾನ ಯುಗಾದಿ ಹಬ್ಬ

ಸಂತೋಷ ವಿ.ಪಿಶೆ
ಹಾವೇರಿ

ಪ್ರಕಟಣೆಗಾಗಿ ಸಂಪರ್ಕಿಸಿ: