ಬಯಲೊಳು ಬಯಲಾದ ಫಕೀರ

ನಾ ಕಂಡ ಜೀವಂತ ದೇವರು
ಬಿಸಿಲು ನಾಡಿನ ಸಿದ್ದೇಶ್ವರ ಶರಣರು
ಜ್ಞಾನಾಮೃತವೆಂಬ ಅಡುಗೆ ಮಾಡಿ
ಎಲ್ಲರಿಗೂ ಉಣ ಪಡಿಸಿದ ಫಕೀರರು

ಸರಳ ಸಜ್ಜನಿಕೆಯ ಸಾಕಾರ ಮೂರ್ತಿಗಳಿವರು
ವೇದ ಶಾಸ್ತ್ರ ಪುರಾಣಗಳನ್ನು
ಅರಿದು ಕುಡಿದವರಿವರು
ನಡೆದಾಡುವ ದೇವರೆಂದೇ ಖ್ಯಾತಿ ಪಡೆದವರು

ತಿಕೋಟಾದ ಬಿಜ್ಜರಗಿಯಲ್ಲಿ ಜನಿಸಿದವರು
ಸಿದ್ದಗೊಂಡ ಎಂಬ ಬಾಲ್ಯನಾಮ ಪಡೆದವರು
ಬಾಲ್ಯದಲ್ಲಿ ಜ್ಞಾನಧಾರೆ ಸೂಸಿದವರು
ದಿನಗಳೆದಂತೆ ಜಗತ್ತಿಗೆ ಬೆಳಗು ನೀಡಿದವರು

ಪದವಿ ಪದಕ ಸನ್ಮಾನಗಳಿಂದ ಬಲು ದೂರ ಇವರು
ನಿರಾಡಂಬರದ ಜೀವನ ಪಥದಲ್ಲಿ ಸಾಗಿದವರು
ಕಿಸೆಯೇ ದುಃಖಕ್ಕೆ ಮೂಲವೆಂದು ಅರಿತವರು
ನಗುಮೊಗದ ಶುಭ್ರ ವಸ್ತ್ರಧಾರಿಗಳಿವರು

ಸಮಯವೆಂದರೆ ಸಿದ್ದೇಶ್ವರ ಶರಣರು
ಜ್ಞಾನದ ವಿಶ್ವರೂಪ ಇವರು
ಸಾಧನೆಗೆ ಸ್ಫೂರ್ತಿದಾಯಕ ರಿವರು
ಇವರನ್ನು ಪಡೆದ ನಾವೇ ಧನ್ಯರು

ಕಾಲನ ಕರೆಗೆ ಓಗೊಟ್ಟು ಹೊರಟು ನಿಂತಿಹರು
ಪಂಚ ಭಾಷಾ ಪ್ರವೀಣರಿವರು
ನಾನು ನಾನಲ್ಲ, ನನ್ನದು ಇಲ್ಲಿ ಏನು ಇಲ್ಲ
ಬಯಲು ಬಯಲಾಗಲು ಹೊರಟು ನಿಂತ ಫಕೀರರಿವರು.

ಹೆಚ್.ಆರ್. ಬಾಗವಾನ
ಶಿಕ್ಷಕರು.
ಮುದ್ದೇಬಿಹಾಳ ಜಿಲ್ಲೆ

ಪ್ರಕಟಣೆಗಾಗಿ ಸಂಪರ್ಕಿಸಿ: