ನೋಡಲ್ಲಿ ನರ ಮಾನವರು ತಂಡ ತಂಡವಾಗಿ
ಹೊರಟಿಹರು ಕಾರಣವಾದರೂ ಏನಿರಬಹುದು
ಸುರಿಸುತಿಹರು ದೂರದಲ್ಲಿ ಹಣ ಹೆಂಡದ ಮಳೆಯ
ಮಾಡುತಿಹರು ಅಪವಿತ್ರ ಸಚ್ಚಾರಿತ್ರ್ಯ ಇಳೆಯ

ಮತಗಳು ಇಲ್ಲಿ ನೋಟುಗಳಿಗೆ ಮಾರಾಟಕ್ಕಿವೆ
ಪೈಪೋಟಿಯಲಿ ತೂರಾಡಿ ಕುಣಿಯುತಲಿವೆ
ಚುನಾವಣೆಯ ಮರ್ಮ ಇಂದು ನರಳುತಲಿದೆ
ಮನುಷ್ಯತ್ವದ ಬವಣೆಯನು ಸೃಷ್ಟಿಸುತಲಿದೆ

ಮತ್ತೆ ಬಂದಿತು ನೋಡಿ ಚುನಾವಣೆಯ ಜಾತ್ರೆ
ಹೊರಟಂತಿದೆ ನೋಡಿ ಅಭ್ಯರ್ಥಿಗಳ ಯಾತ್ರೆ
ಹೊಂದಿರುವರೆ ಹಣದ ಮಳೆಯ ಅಕ್ಷಯ ಪಾತ್ರೆ
ಮುಗ್ಧ ಮನಗಳಿಗೆ ಆಮಿಷದ ಮಂಪರಿನ ಮಾತ್ರೆ

ಮತದಾನವದು ಪವಿತ್ರ ಹಕ್ಕು ಹರಾಜಿಗಿಡಬೇಡಿ
ಭ್ರಷ್ಟತೆಯ ಸೇವಕರಿಗೆ ಅಮೂಲ್ಯ ಮತ ನೀಡಬೇಡಿ
ತಾಯ್ನಾಡಿನ ಹಾಲುಂಡು ಕಾಪಾಡಲು ಕೈ ಎತ್ತಿ ಹಿಡಿ
ಹೆತ್ತ ನಾಡಿನ ಕತ್ತು ಹಿಸುಕುವ ಬದಲು ನೀ ಮಡಿ

ಭುವನೇಶ್ವರಿ.ರು. ಅಂಗಡಿ
(ಶಿಕ್ಷಕಿ)ಸ.ಹಿ.ಪ್ರಾ.ಶಾಲೆ ಸಂಕಧಾಳ
ತಾ-ನರಗುಂದ ಜಿ-ಗದಗ
9945095539

ಪ್ರಕಟಣೆಗಾಗಿ ಸಂಪರ್ಕಿಸಿ:

ಇದು ವೆಬ್ ಸೈಟ್ ಮತ್ತು ಯ್ಯಾಪ. ಇದರಲ್ಲಿ ಪ್ರಕಟಣೆಗಾಗಿ ನಿಮ್ಮ ಕವನ, ಕಥೆ, ಪ್ರಬಂಧ, ಲೇಖನ ಹಾಗೂ ಪುಸ್ತಕ ವಿಮರ್ಶೆಗಳನ್ನು ಕಳುಹಿಸಬಹುದು.
WhatsApp No. 8310000414 ಗೆ ಕಳುಹಿಸಬಹುದು.