ಕನ್ನಡ ತಾಯಿ ನಿನಗೆ ಶರಣು
ನಿನ್ನ ನಾಮ ಸ್ಮರಣೆ ನಮ್ಮ ಮಂತ್ರ
ಜಪಿಸುವೆ ಸದಾ ಅನುದಿನ ಅನುಕ್ಷಣ
ನಿನ್ನ ಶ್ರೀರಕ್ಷೆ ನಮಗೆ ಸದಾ ಇರಲಿ

ಕನ್ನಡ ನುಡಿಗೆ ಇದೆ ಶತಮಾನಗಳ ಇತಿಹಾಸ
ಅದನ್ನು ಅರಿಯುವ ತವಕ ಇಲ್ಲ ಇಂದಿನ ಜನಕೆ
ಕನ್ನಡ ಕಲಿಯುವುದೇ ಅಸಹ್ಯ ಎಂದು ಭಾವಿಸುತಿದೆ
ಇಂದಿನ ನವ ಪೀಳಿಗೆ ನವ ಜನಾಂಗ

ಕನ್ನಡ ಭಾಷೆ ಕಲಿಯಲು ಸುಲಭ ಆದರೆ
ಕಲಿತ ನಂತರ ಬಳಸುವುದಕ್ಕೆ ಕಷ್ಟ
ಕಷ್ಟಪಟ್ಟು ಕಲಿತರೆ ಉಳಿಯುವುದು ಕೆಲ ದಿನ
ಇಷ್ಟಪಟ್ಟು ಕಲಿತರೆ ಉಳಿಯುವುದು ಅನುದಿನ

ಕನ್ನಡ ಭಾಷೆ ಕಸ್ತೂರಿ ನಾತ
ಕನ್ನಡ ಭಾಷೆ ಗಂಧದ ಪರಿಮಳ
ಕನ್ನಡ ಭಾಷೆಗೆ ಇಲ್ಲ ಅಳಿವು, ಬಳಸದಿದ್ದರೆ
ಕನ್ನಡ ಭಾಷಿಕರಿಗೆ ಇಲ್ಲ ಉಳಿವು

ನಾಳೆಯೂ ಕನ್ನಡ ಭಾಷೆ ಉಳಿಯಬೇಕೆಂದರೆ
ಇAದೇ ಬಳಸುವ, ಬೆಳೆಸುವ ಕಾಯಕ ಮಾಡುತ
ಕಾಯಕವೇ ಕೈಲಾಸ, ಇರಬೇಕು ಇದ್ದು ಜಯಿಸಬೇಕು
ಅನ್ನುವ ಮಂತ್ರದ ಸಂಸ್ಕಾರವನು ಕೊಡಬೇಕು

ತಾಯ್ನಾಡಿನ ಋಣ ತೀರಿಸಲು ಆಗದು, ಆದರೆ
ಋಣದ ಭಾರವ ಕಡಿಮೆ ಮಾಡಿಕೊಳ್ಳಬಹುದು
ಅದಕ್ಕೆ ದಾರಿ ಒಂದೇ, ನಾವೂ ಕಲಿಯುತ ಕಲಿಸುತ
ಇನ್ನೊಬ್ಬರಿಗೆ ದಾರಿದೀಪವಾಗುತ ಸಾಗುವದು

ವೀ. ಯ. ಹೊಸೂರ.
ಕನ್ನಡ ಭಾಷಾ ಉಪನ್ಯಾಸಕರು,
ಅಸುಂಡಿ, ತಾ||ಸವದತ್ತಿ. ಜಿ|| ಬೆಳಗಾವಿ.
೯೫೩೫೭೨೨೮೫೧.