ದೇಶಕ್ಕಾಗಿ ನನ್ನ ಸಾಲು

ಎಪ್ಪತೈದನೇ ಗಣರಾಜ್ಯೋತ್ಸವದ ಸಂಭ್ರಮವಿದು
ನಾವು ಭಾರತೀಯರು ನಮ್ಮ ಭಾರತ ದೇಶವಿದು
ತಾಯಿ ಭಾರತಾಂಬೆಯ ನೆನೆಯುವ ದಿನವಿದು
ಸ್ವಾತಂತ್ರ್ಯ ಭಾರತ ಸ್ವತಂತ್ರ ಸತ್ಪ್ರಜೆಗಳ ನಾಡಿದು

ನೆತ್ತರ ಹರಿಸಿ ಗಡಿಯನು ಕಾಯುವ ಯೋಧರು
ನಮ್ಮ ಭವ್ಯ ಭಾರತ ದೇಶದ ಹೆಮ್ಮೆಯ ವೀರರು
ಮೊಳಗಲಿ ಸ್ವರಾಜ್ಯ ವೆಂದು ಘೋಷಿಸಿ ಜೈಕಾರವು
ವಂದೇ ಮಾತರಂ ಜೈ ಹಿಂದ್ ಹರ್ಷೋದ್ಗಾರವು

ಕೇಸರಿ ಬಿಳಿ ಹಸಿರು ಬಣ್ಣ ಶಾಂತಿಯ ಸಂಕೇತವು
ಹಾರಿಸುವ ಬಾನೆತ್ತರಕ್ಕೆ ತಿರಂಗ ಬಣ್ಣದ ಧ್ವಜವು
ಗಣರಾಜ್ಯೋತ್ಸವ ದಿನಾಚರಣೆಯ ಸಂಭ್ರಮವು
ನಮ್ಮ ತಾಯ್ನಾಡಿನ ಹೆಮ್ಮೆಯ ಧ್ವಜಾರೋಹಣವು

ತ್ಯಾಗ ಬಲಿದಾನ ಮಾಡಿದ ಹುತಾತ್ಮರ ಸ್ಮರಿಸೋಣ
ದೇಶದ ಅಶೋಕ ಚಕ್ರಕ್ಕೆ ಗೌರವದಿ ನಮಿಸೋಣ
ಸತ್ಯ ಮೇವ ಜಯತೇ ಯೆಂಬ ಧ್ಯೇಯ ವಾಕ್ಯವು
ಗಣರಾಜ್ಯೋತ್ಸವ ದಿನದ ಶುಭಾಶಯ ಕೋರುವೆವು

ಧನ್ಯವಾದ

ಪೂರ್ಣಿಮಾ ರಾಜೇಶ್
ಬೆಂಗಳೂರು

ಪ್ರಕಟಣೆಗಾಗಿ ಸಂಪರ್ಕಿಸಿ: