ಚಂದಿರನ ಅಂಗಳದಲ್ಲಿ ತ್ರಿವಿಕ್ರಮ

ನಭದಲ್ಲಿ ಇಂದು ವಿಸ್ಮಯ
ಇಡೀ ವಿಶ್ವವೇ ನೋಡುತಿದೆ ತನ್ಮಯ
ನಮ್ಮ ವಿಜ್ಞಾನಿಗಳ ಅವಿರತ ಪರಿಶ್ರಮದ ಫಲ
ಚಂದಿರನ ಅಂಗಳದಲಿ ಇಳಿದು ಆಗಿದೆ ಸಫಲ

ದಕ್ಷಿಣ ಧ್ರುವದಲಿ ಭಾರತದೇ ಪ್ರಥಮ ಪಾದ
ಎಲ್ಲೆಲ್ಲಿಯೂ ಮೊಳಗಿಹುದು ತ್ರಿವಿಕ್ರಮನ ನಾದ
ವಿಜ್ಞಾನಿಗಳ ಅವಿರತ ಪರಿಶ್ರಮ
ಚಂದಿರನ ಅಂಗಳದಿ ಇಳಿದ ತ್ರಿವಿಕ್ರಮ

ಚಚ್ಚುಮಾತನಾಡಿದವರೇ ಅಂದು
ಚಪ್ಪಾಳೆ ತಟ್ಟುತಿಹರು ಇಂದು
ಕಾರ್ಯವ ಸಾಧನೆಯ ಮೂಲಕ ತೋರಿಸು
ಎಂಬ ನುಡಿಯ ನಿಜ ಮಾಡಿದ ಇಸ್ರೋ

ಎಳೆಮಕ್ಕಳ ಚೆಂದದ ಚಂದಮಾಮ
ಪ್ರೇಮಿಗಳ‌ ಪ್ರೀತಿಯ ಪ್ರೇಮಚಂದ್ರಮ
ಭೂರಮೆಯ ಮುದ್ದಿನ ತಮ್ಮ
ಆಗಿಹನು ಇಂದು ಎಲ್ಲರಿಗೂ ಹತ್ತಿರ

ಅನ್ಯಗ್ರಹಗಳ ಮೇಲೂ ನಡೆಯಲಿದೆ ಸಂಶೋಧನೆ
ಮುಂದಿನ ಶೋಧನೆಗೆ ಆಗಿಹುದು ಪ್ರೇರಣೆ
ಇದೆ ಇಸ್ರೋಗೆ ಕೋಟ್ಯಂತರ ಭಾರತೀಯರ ಹಾರೈಕೆ
ಇನ್ನೂ ಹೆಚ್ಚಿನ ಸಾಧನೆಯಾಗಲಿ ಎನ್ನುವುದೇ ನಮ್ಮೆಲ್ಲರ ಅರಿಕೆ..

ಆಶಾ ಎಲ್ ಎಸ್
(ಶಂಕರಘಟ್ಟ) ಶಿವಮೊಗ್ಗ