ಚೈತ್ರದ ಚಿಗುರು

ವಸಂತ ಋತುವಿನ ಆಗಮನದಿ ಉತ್ಸಾಹವು
ಚೈತ್ರದ ಚಿಗುರು ಚೆಲುವದು ಮನಮೋಹಕವು
ಗಿಡ ಮರದ ಒಡಲಲ್ಲಿ ಹಸಿರೆಲೆಯು ಚಿಗುರಿದೆ
ಪ್ರಕೃತಿ ಮಾತೆಯ ಮಮತೆಯ ಮಡಿಲು ತುಂಬಿದೆ

ಹಸಿರು ವನರಾಶಿಯ ಸೌಂದರ್ಯ ಅತ್ಯದ್ಭುತವು
ಮಾವು-ಬೇವು ಹೊಸ ಚಿಗುರಿನ ಅಮೋಘ ದೃಶ್ಯವು
ಬಾನ ಭಾಸ್ಕರನ ಬೆಳಕಿನ ಅಪರೂಪದ ದೃಶ್ಯರೂಪವು
ಹೊಸ ಚಿಗುರು ಹಸಿರಿನ ಚೈತನ್ಯ ಜೀವಾಮೃತವು

ಮಾಮರದಿ ಕುಳಿತ ಕೋಗಿಲೆಯ ಕುಹೂ ಇಂಚರವು
ಕೋಗಿಲೆಯ ಸುಮಧುರವಾದ ಸುಶ್ರಾವ್ಯ ಗಾನವು
ಇಳೆಯ ಚೆಲುವು ಇಮ್ಮಡಿಗೊಂಡು ಚಿತ್ತಾಕರ್ಷಕವು
ಜಗದೆಲ್ಲೆಡೆಯೂ ಸಂತಸ ಸಡಗರ ಸಂಭ್ರಮವು

ಯುಗ ಯುಗಾದಿ ಕಳೆದರೂ ಯುಗಾದಿ ಮರಳುತಲಿ
ಸಿಹಿಮಾವು-ಕಹಿಬೇವಿನ ಜೊತೆ ಬೆಲ್ಲವ ಬೆರೆಸುತಲಿ
ಹೊಸ ವರುಷವ ಸ್ವಾಗತಿಸಿ ಹೊಸತನವ ಕಾಣುತಲಿ
ನೋವನ್ನು ಮರೆತು ನಗು ನಗುತ್ತ ಸಂತಸ ಪಡುತಲಿ

ಪೂರ್ಣಿಮಾ ರಾಜೇಶ್
ಬೆಂಗಳೂರು

ಪ್ರಕಟಣೆಗಾಗಿ ಸಂಪರ್ಕಿಸಿ: