ಅನುರಾಗ

Post author:s t
Post category:ಕಾವ್ಯ

ಹೃದಯರಾಗ ಮಿಡಿದಾಗ
ಅನುರಾಗ ಗೀತೆ ಅರಳಿತು
ಒಲವು ತುಂಬಿ ಹಾಡಿದಾಗ
ಮಧುರಮಯ ಮೈತ್ರಿ ಬೆಸೆಯಿತು
ಗೆಳತಿ ನೀ ಬಂದು ಅಪ್ಪಿದಾಗ
ನವನವೀನ ಜೀವಭಾವ ಶುರುವಾಯಿತು

ನೀ ಬೀಸಿದ ಕಡಲ ಬಲೆ
ಕಲ್ಲೆದೆಯ ಮೀಟಿ ವೀಣೆ ನುಡಿಸಿತು
ಹಸಿರು ಗಾಜು ಸದ್ದಿನ ಬಳೆ
ಹರುಷದ ಪ್ರೀತಿಯ ಮಳೆಯಲ್ಲಿ ತಣಿಸಿತು
ಜೊತೆ ಜೊತೆಯಲ್ಲಿ ಮಿಡಿದ ಮಳೆ
ಒಲುಮೆ ಹೃದಯ ಬಂದಾಳದಲ್ಲಿ ಮಿನುಗಿತು

ನಿನಗಾಗಿ ಕಾದಿಹ ಹೃದಯವಿದು
ಜೋಪಾನ ಮಾಡು ಬಾ ಗೆಳೆತಿ
ಒಲವಿನ ಉಡುಗೊರೆಯ ಗೀತೆಯಿದು
ನವ ಭಾವನೆಯೊಳು ಹಾಡು ಬಾ ಗೆಳತಿ
ಕಣ್ಣೀರ ಕಡಲೊಳಗಿನ ಕವಿತೆಯಿದು
ಕಾಡಿಸದೆ ಕೂಡಿಕೊ ಬಾ ಗೆಳೆತಿ

ದೀಪಕ್ ನಿಡಘಟ್ಟ
ಶಿಕ್ಷಕರು,
ನರಸಿಂಹರಾಜಪುರ, ಚಿಕ್ಕಮಗಳೂರು