ಭಾಮಿನೀ

ಭಾಮಿನೀ ಇವಳು ಭುವನ ಮನೋಹರಿ
ಭುವಿಯಂತೆ ಭಾರಹೊತ್ತ ತಾಳ್ಮೆಯ ಒಡತಿ

ಜಗದ ಸೃಷ್ಟಿಯ ಸೌಂದರ್ಯದ ಖನಿ ಇವಳು
ಸೃಷ್ಟಿಯನೆ ಒಡಲಲಿ ಹೊರುವ ಜನನಿ ಇವಳು

ಹುಟ್ಟಿದ ಮನೆಯಲಿ ನಗುತಂದ ಹೆಣ್ಣಿವಳು
ಮೆಟ್ಟಿದ ಮನೆತನದ ಸೂಕ್ಷ್ಮತೆಯ ಕಣ್ಣಿವಳು

ಪ್ರೀತಿ ಮಮತೆಯ ಬತ್ತದ ಸೆಲೆ ಹೃದಯದಲಿ
ಅಂತಃಕರಣದ ಒರತೆ ಚಿಮ್ಮುವುದು ಗುಣದಲಿ

ನೀಲಾಂಬರದಷ್ಟು ಸಹನೆಯ ಆಗರ ಒಡಲಲಿ
ಮೀರಿದರೆ ಸಹನೆ ಜ್ವಾಲಾಮುಖಿಯು ಮುಖದಲಿ

ಕಷ್ಟ ಸುಖಗಳ ಇಂಗಿತವನರಿತ ಮನೆಯ ಇಂದಿರೆ ಇವಳು
ಕ್ಷಣದಲಿ ಸಮಸ್ಯೆಗಳ ನಿಭಾಯಿಸುವ ಸೂಕ್ಷ್ಮ ಮತಿಯವಳು

ಕಾಡಿಸಿ, ನೋಯಿಸಿ, ಅವಮಾನಿಸದಿರಿ ಅವಳ ಮನವನೆಂದಿಗೂ
ಎದೆಗುಂದದಿದ್ದರೂ ಎದಕು ಸೂಕ್ಷ್ಮ ಮನದವಳು ನಿಜಕೂ

ವೈಷ್ಣವಿ ಹುಲಗಿ
ಕೊಪ್ಪಳ.

ಪ್ರಕಟಣೆಗಾಗಿ ಸಂಪರ್ಕಿಸಿ: