ಹೊಸ ಮನ್ವಂತರ ದತ್ತ

ಹಕ್ಕಿಗಳ ಚಿಲಿಪಿಲಿ ಕಲರವ
ಮೇಳೈಸಿದೆ ಪ್ರಕೃತಿಯಲ್ಲಿ ಹೊಸತನವ
ಸಿಹಿ ಕಹಿಯ ಅನುಭವ
ಹೊತ್ತು ತಂದಿದೆ ಯುಗಾದಿ ವೈಭವ

ನವಯುಗದತ್ತ ಮನಸ್ಸ ಹೊರಳಿಸಿ
ಕಷ್ಟ ಸುಖವ ಸಮಾನ ಭಾವದಲಿ ಸ್ವೀಕರಿಸಿ
ಸ್ವಾರ್ಥ ದ್ವೇಷ ಅಸೂಯೆ ಅಳಿಸಿ
ಸದ್ವಿಚಾರದಿ ಹೊಸ ವರುಷಕೆ ಮುನ್ನುಡಿ ಬರೆಸಿ

ಕಂಗೊಳಿಸಲಿ ಶುಭ್ರತೆಯಲಿ ವಾತಾವರಣ
ಮನೆ-ಮನಗಳಲಿ ಮಿಂಚಲಿ ತಳಿರು ತೋರಣ
ಘಮ್ಮೆಂದು ಬರಲಿ ಹೋಳಿಗೆಯ ಹೂರಣ
ಮುಂದೆ ಸಾಗುತಿರಲಿ ಸಂತಸದ ಪಯಣ

ಶುಭ ಕೃತ್ ನಿಂದ ಶೋಭಕೃತ್ ದತ್ತ ನಡಿಗೆ
ಬಾಳಲ್ಲಿ ಮೂಡಲ್ಲಿ ಪ್ರೀತಿಯ ಬೆಸುಗೆ
ಒಲವು ಗೆಲುವಿನ ಯಾನ
ತುಂಬಿರಲಿ ಸಿಹಿ ಕಹಿ ಸಮರಸದ ಜೀವನ

ಹೊಸತು ವರುಷ
ತರಲಿ ಬಾಳಲ್ಲಿ ಹರುಷ
ಯುಗಾದಿಯ ಹಾರ್ದಿಕ ಶುಭಾಶಯ
ಸವಿಯೋಣ ಬೇವು ಬೆಲ್ಲದ ಸವಿಯ

ಉಷಾ ಪ್ರಶಾಂತ್
ಸಿದ್ದಾಪುರ

ಪ್ರಕಟಣೆಗಾಗಿ ಸಂಪರ್ಕಿಸಿ: