ಪುಣ್ಯ ನೆಲದಲ್ಲಿ ಜನಿಸಿದೆವೆಂಬ
ಹೆಮ್ಮೆ ನಮ್ಮದು
ಸಂಸ್ಕೃತಿಯ ತವರು
ಭಾರತಾಂಬೆಯ ಮಡಿಲಿದು

ತ್ಯಾಗ ಬಲಿದಾನದ ಪ್ರತೀಕ
ನಾವು ಪಡೆದ ಸ್ವಾತಂತ್ರ್ಯ
ಭರತ ಭೂಮಿಯಕೊಳ್ಳೆ ಹೊಡೆಯಲು
ನಡೆದಿತ್ತು ಷಡ್ಯಂತ್ರ

ಬ್ರಿಟೀಷರ ದಾಸ್ಯದಿಂದ
ಮುಕ್ತಿ ಪಡೆದೆವೆಂಬ ಹೆಮ್ಮೆ
ಕೆಚ್ಚೆದೆ ವೀರರ ಯಶೋಗಾಥೆ
ನೆನಪಿಸೋಣ ದಿನಕ್ಕೊಮ್ಮೆ

ಜಯ ಪರಾಜಯದ ಕಥೆಯು
ನಿನ್ನ ಒಡಲಲಿ ತುಂಬಿದೆ
ನಾವ್ ಹುಟ್ಟಿದ ನೆಲದಲಿ
ಇತಿಹಾಸವೇ ಸೃಷ್ಟಿಸಿದೆ

ಸಹನಾವವತು ಶಾಂತಿ
ಮಂತ್ರ ಮೊಳಗಿದೆ
ದೇಶ ಭಕ್ತರ
ನೆತ್ತರಿಲ್ಲಿ ಹರಿದಿದೆ

ಸೊಗದ ಸುಧೆಯ ಸಂಸ್ಕೃತಿ
ನಮ್ಮ ನಾಡಿದು
ಕಲೆ ಸಾಹಿತ್ಯ
ಆಧ್ಯಾತ್ಮದ ತವರೂರಿದು

ಹಿಂದಿನ ಹೋರಾಟದ
ಹಾದಿ ದುರ್ಗಮ
ನಾವ್ ಸಾಗುವ
ಪಥವಿರಲಿ ಸುಗಮ

_80ನೇ ಸ್ವತಂತ್ರ ದಿನಾಚರಣೆ ಶುಭಾಷಯಗಳು_ 💐💐

ಉಷಾ ಪ್ರಶಾಂತ್ ಸಿದ್ದಾಪುರ