ಡಾ: ಪುನೀತ್ ರಾಜಕುಮಾರ್ ಅವರಿಗೆ ಅಕ್ಷರ ನಮನ

ಸಾಧಕರ ಸಾಲಿನಲ್ಲಿ ನಿಸ್ವಾರ್ಥ ಸೇವಕ

ಇಂದು ಕನ್ನಡ ಕುವರನ ಪುಣ್ಯ ಸ್ಮರಣೆ ದಿನ
ಅಭಿಮಾನದಿಂದ ತುಂಬಿದೆ ಮನ
ಇನ್ನೊಮ್ಮೆ ಕಳಿಸು ನಮ್ಮ ಕಂದನ
ಬೇಡೋಣ ಆ ದೇವಗೆ ದಿನ ದಿನ

ಕರುನಾಡಿನ ಸಿಂಹದಮರಿ
ಅವರ ಅನುಸರಿಸಿ ತಲುಪು ಗುರಿ
ತೋರಿದರು ಸಾಧನೆಯ ದಾರಿ
ಮುಗಿಲ ಮುಟ್ಟಿ ವದು ನಿನ್ನ ಗರಿ

ಕಿರೀಟ ಬಯಸದ ರಾಜಕುಮಾರ
ಸರಳ ನಡತೆಯ ವೀರಾಧಿವೀರ
ದಾನ ಧರ್ಮ ಮಾಡಿದ ಇವರ ಕರ
ತೋರಗಡಲಿಲ್ಲ ಯಾರ ಎದುರ

ನಮ್ಮ ಕರುನಾಡಿನ ಪುನೀತ
ಇವನು ನಿತ್ಯ ನವನೂತ
ಎಲ್ಲರ ಮನದಲ್ಲೂ ಸಂಚಲಿತ
ಇವರ ಜೀವನ ಬರೆದಿಡುವ ಲಿಖಿತ

ಗುಡಿ ಗುಂಡಾರದಲ್ಲಿ ಇಲ್ಲ ದೇವ
ಸ್ನೇಹ ಆದರದಿ ತೋರಿ ಸಮಭಾವ
ಯಾರಲ್ಲೂ ಮಾಡದಿರಿ ಬೇದಭಾವ
ಹೇಳಿ ಕೊಟ್ಟಿತು ಕರುನಾಡ ಜೀವ

ಇವ ನಟಿಸಿದ ವಸಂತ ಗೀತೆ
ಕರುನಾಡಿನ ಕುಡಿ ಭಾಗ್ಯವಂತ
ನಡೆದ ಚಲಿಸುವ ಮೋಡಗಳತ್ತ
ಬಾಲ ಪ್ರಹ್ಲಾದನೆ ಶಿವನ ಭಕ್ತ

ಹಲವು ಪ್ರಶಸ್ತಿಗೆ ಪುರಸ್ಕೃತ
ದೊಡ್ಮನೆ ಹುಡುಗನಿಗ ದಿವಂಗತ
ಅಪ್ಪು ಮೌರ್ಯ ವಂಶಿಗೆ ಅಭಿಮತ
ಪವರ್ ಅರಸು ಮಿಲನ ಆಕಾಶದತ್ತ

ಪವರ್ ಸ್ಟಾರ್ ಕನ್ನಡದ ರಾಜರತ್ನ
ಕರುನಾಡ ಮನೆ ಮನದ ಯುವರತ್ನ
ನಟನೆಯಲ್ಲಿ ಇವನೊಬ್ಬ ಕಲಾ ರತ್ನ
ಕರುನಾಡ ಕಿರೀಟದಲ್ಲಿರುವ ನವರತ್ನ

ರಾಜ್ ಪಾರ್ವತಮ್ಮನವರ ಪುತ್ರ
ಕರುನಾಡಿನ ಹೆಮ್ಮೆಯ ಸುಪುತ್ರ
ಇವರು ನಟಿಸಿರುವರು ಹಲವು ಚಿತ್ರ
ಇವರ ಅಗಲಿವಿಕೆ ಯೊಂದು ವಿಚಿತ್ರ

ಚಿಕ್ಕ ವಯಸ್ಸಿನಲ್ಲಿ ಸಾಧನೆ ಮಾಡಿದ
ದುಡಿವ ವಯಸ್ಸಿನಲ್ಲಿ ದಾನ ಮಾಡಿದ
ಕರುನಾಡ ಮನವ ಮೋಡಿ ಮಾಡಿದ
ಕಾಣದಂತೆ ಕೈಲಾಸದಿ ಮನೆ ಮಾಡಿದ

ಸರ್ ಬಗ್ಗೆ ಬರೆಯಲು ಬಳಪ ಸಾಲಲ್ಲ
ಅವರೆತ್ತರದ ಪದ ಎಲ್ಲೂ ಸಿಗಲಿಲ್ಲ
ಪದಗಳ ಜಾತ್ರೆಯಲ್ಲ ಹುಡುಕಿದೆ ನಲ್ಲ
ನಿಲುಕದ ನಕ್ಷತ್ರ ಅವರಾಗಿರುವ ರಲ್ಲ

ಧನ್ಯವಾದಗಳು

ಶಿವಲೀಲಾ ಧನ್ನಾ
ಜಿಲ್ಲಾ :-ಕಲ್ಬುರ್ಗಿ. ಕಲ್ಯಾಣ ಕರ್ನಾಟಕ

ಪ್ರಕಟಣೆಗಾಗಿ ಸಂಪರ್ಕಿಸಿ: