ಭವಾನಿ ಭಾರತಿ

ಇವಳೇ ಆದಿಶಕ್ತಿ ಜಗದ್ಧಾತ್ರಿ; ಜಗಜ್ಜನನೀ, ಅಂಬಾ, ಶಾಶ್ವತಿಯೂ ಆಗಿದ್ದಾಳೆ; ಇವಳೇ ಆದಿ, ಭವ್ಯಸ್ವರೂಪಳು, ಶಕ್ತಿಸಂಪನ್ನೆ, ಭಯಂಕರಳೂ, ಭಯವನ್ನು ಸೃಷ್ಟಿಸುವವಳೂ ಹೌದು; ಇವಳೇ ರಕ್ಷಕಳೂ ಹಾಗೂ ಸಂಹಾರಕಳೂ ಆಗಿ “ಭವಾನಿ ಭಾರತಿ”ಯಾಗಿದ್ದಾಳೆ. ಈ ವಿಷಯವನ್ನೇ ಪದ್ಯರೂಪದಲ್ಲಿ ಅಭಿವ್ಯಕ್ತಗೊಳಿಸಲ್ಪಟ್ಟಿದ್ದು, ತತ್ತ್ವಸಾರದಲ್ಲಿ, ನಿರಾಕಾರದ ಸಾಕಾರದಂತೆ ಕಾವ್ಯಮಯ ಅಭಿವ್ಯಕ್ತಿಯಲ್ಲಿ ಶ್ರೀ ಅರವಿಂದರು 1904-08 ರ ಅವಧಿಯಲ್ಲಿ ಇದನ್ನು ರಚಿಸಿದ್ದಾರೆ. ಶ್ರೀ ಅರವಿಂದರು ರಚಿಸಿರುವ ಏಕೈಕ ಸಂಸ್ಕೃತ ಕಾವ್ಯವು ಇದಾಗಿದೆ.

“ಭವಾನಿ ಭಾರತಿ” ಒಂದು ಪ್ರಾರ್ಥನೆಯಾಗಿದ್ದು, ಅದು ಈ ಮಾತೃಭೂಮಿಯ ಅಂತರಾಳದ ಗುಂಜನವನ್ನು ಪ್ರತಿಧ್ವನಿಸುತ್ತಿದೆ. ಅದರಲ್ಲೂ ಶಕ್ತಿಯನ್ನು ಶಾಶ್ವತವಾಗಿ ನೆಲೆಸುವಂತೆ ಆಹ್ವಾನಿಸುತ್ತಿದೆ.

ಈ ರಾಷ್ಟ್ರಮಾತೆಯನ್ನು – ಅವಳೇ ರಾಷ್ಟ್ರವೂ ಆಗಿರುವುದನ್ನು ಗೌರವಿಸುವ ಪ್ರಾರ್ಥನೆ ಇದು.