ಅಕ್ಷರದವ್ವ ಸಾವಿತ್ರಿ ಬಾಯಿಪುಲೆ

ನಾರಿ ಆಗಿದ್ದಳು ಆದಿಕಾಲದಲ್ಲಿ ಅಭಲೆ
ಆಧುನಿಕ ಕಾಲಕ್ಕವಳು ಆಗಿರುವವಳು ಸಭಲೆ
ನಮ್ಮ ಅಕ್ಷರದವ್ವ ಸಾವಿತ್ರಿಬಾಯಿ ಬಾಪುಲೆ
ಸಬಲೀಕರಣಕ್ಕಾಗಿ ಶ್ರಮಪಟ್ಟ ಹೆಣ್ಣು ಭಲೇ ಭಲೆ

ಆಕೆಯ ಕೊರಳಿಗಿತ್ತು ಬಾಲ್ಯ ವಿವಾಹದ ಸಂಕೋಲೆ
ಪತಿಯ ಜೊತೆಗೆ ಶಾಲೆ ಕಲಿತ ಮೊದಲ ಬಾಲೆ
ಆಗ ವಿದ್ಯೆ ಕಲಿತವರಿಗೆ ಇರುತ್ತಿರಲಿಲ್ಲ ಬೆಲೆ
ಅಕ್ಷರದ ಜ್ಞಾನವ ಅರಿತಿದ್ದ ಪತಿ ಜ್ಯೋತಿ ಬಾಪುಲೆ

ಅನಕ್ಷರತೆ ತೊಲಗಿಸಲು ಪಣತೊಟ್ಟಳು ನಾರಿ
ಕಲ್ಲು ಸಗಣಿ ಬೀಸುತ್ತಿದ್ದರು ಮೈಮೇಲೆ ತೂರಿ
ಶಾಲೆಗೆ ಹೋದಮೇಲೆ ಉಡುತಿದ್ದಳು ಬೇರೆಯ ಸೀರೆ
ಅವಮಾನಿಸಿದರು ಬಿಡಲಿಲ್ಲಾಕೆ ತಾನು ಹಿಡಿದ ದಾರಿ

ಕೀಳು ಕುಲದ ಅಬಲೆಯರಿಗೆ ಆಕೆಯೇ ಸಹೋದರಿ
ಹೆಣ್ಣಿನ ಸಾಕ್ಷರ ಕುಲಕ್ಕೆ ಅವಳಾದಳು ಮಾದರಿ
ಅಂದು ವಿದ್ಯೆ ಕಲಿಯಲು ಆದಳಾಕೆ ರಾಯಭಾರಿ
ಮುಂದೆ ಮೊಳಗಿತು ವಿಜಯದ ಜಯಭೇರಿ

ಒಂದೇ ಸಲಕ್ಕೆ ಗೆದ್ದರೆ ತೋರುವರು ಮಂದಹಾಸ
ಸೋತು ಗೆದ್ದರೆ ಸೃಷ್ಟಿಸುವುದು ಇತಿಹಾಸ
ಮೊದಲು ಮಾಡಿದರು ಆಕೆಗೆ ಅವಮಾನ
ಮುಂದೆ ಸಾಲು ಸಾಲು ಸರಣಿ ಸನ್ಮಾನ

ಶಿವಲೀಲಾ ಧನ್ನಾ
ಜಿಲ್ಲಾ : ಕಲ್ಬುರ್ಗಿ

ಪ್ರಕಟಣೆಗಾಗಿ ಸಂಪರ್ಕಿಸಿ: