ಇದೊಂದು ಅರಳಿದ ಹೂವಿನ ಪಕಳೆಗಳಂತಿರುವ ಭಾವಬಿಂದುಗಳ ಗುಚ್ಛ.
ತೀವ್ರವಾಗಿ ಕಾಡಿದ ವ್ಯಕ್ತಿ ವಸ್ತು-ವಿಷಯಗಳ ಕುರಿತು ಮನಸ್ಸಿನೊಂದಿಗೆ ನಡೆದ ಮುಖಾಮುಖಿ. ಮಕಾನದಾರ, ತನ್ನ ಕನಸ ಮಕಾನಿನ ಕಿಟಕಿಯಿಂದ ಇಣುಕಿ,
ಪಿಸುಗುಡುವ ಭಾವದ ಜ್ವಾಲಾಮುಖಿ.
“ಸಾಕಿ”ಯ ಕಣ್ಣ ಬೆಳಕಿಗೆ ಪತಂಗವಾಗುವ ಮಕಾನದಾರನಿಗೆ ಪ್ರೀತಿ- ವಿರಹ, ಬದುಕಿನ ನಾಣ್ಯದ ಎರಡು ಮುಖಗಳು.
ಕೆಲವೇ ಸಾಲುಗಳಲ್ಲಿ ಕ್ಷಣಿಕವಾಗಿ ಬಂದು ಹೋಗುವ ಭಾವತೀವ್ರತೆಯನ್ನು ಪದಗಳಲ್ಲಿ ಕಡೆದಿಟ್ಟಿದ್ದಾರೆ.
ಪ್ಯಾರ್- ಪ್ರೀತಿಯ ಮೋಹಕ ಮಾಯಾಜಾಲದಲ್ಲಿ ಕಳೆದು ಹೋಗುವುದಕ್ಕೆ ಪ್ಯಾರಿ ಪದ್ಯದ ಸಹಾರ ಜರೂರಿ.
ರಸ್ತೆಯಲ್ಲಿ ಓಡಾಡುತ್ತಿರುವ ಪರಿಚಿತ-ಅಪರಿಚಿತ ಬದುಕನ್ನು ಬೆರಗಿನಿಂದ ನೋಡುವ ಪರಿಯೇ ಇಲ್ಲಿ ಚುಟುಕುಗಳಾಗಿವೆ.
ಉರ್ದು ಸಾಹಿತ್ಯದ ಧಾಟಿ ಮತ್ತು ಪದಗಳ ಬಳಕೆ ಕೆಲವೊಮ್ಮೆ ಆಪ್ಯಾಯಮಾನವಾದರೆ, ಕೆಲವು ಕಡೆ ಅವು ಹೇಳಬೇಕಾದ್ದನ್ನು ತಲುಪಿಸಲಾಗದೇ ಸೋತಿವೆ.