ಇರುವ ಮನೆ ಚಿಕ್ಕದಾಯಿತು. ಹೊರಗಿನ ಹಸಿವು ದೊಡ್ಡದಾಯಿತು. ಹಾಗೆ ಬಯಲಿಗೆ ಬಿದ್ದರು. ಬಯಲಾಗಿಯೇ ಎದ್ದರು !

ಇಪ್ಪತ್ತಕ್ಕೆ ಮನೆ ಕಳೆದದ್ದು. ಹದಿನಾಲ್ಕು ವರುಷ ವನವಾಸ, ಚಳಿ ಮಳೆ ಬಿಸಿಲಿಗೆ ಬೆತ್ತಲು. ಎಲ್ಲವನ್ನೂ ಮೈ ತುಂಬಿಕೊಂಡಿತ್ತು!

ಮರಳಿ ಗೂಡು ಸೇರಿದರು. ಹಲವು ಬರೆದರು, ಒರೆದರು. ಎಲ್ಲವೂ ಅಕ್ಷರವಲ್ಲ, ಎದೆಯೊಳಗಿನ ಲಿಪಿ. ಮೂಡಿದ್ದು ಹಲವು ಮೂಡಿಸಿದ್ದು ಕೆಲವು !

ಹಲವರಿಗೆ ತಾಂತ್ರಿಕ ! ಕೆಲವರಿಗೆ ಕೃಷಿಕ. ಓದುಗರಿಗೆ ಸಾಹಿತಿ, ಬಲ್ಲವರಿಗೇ ಗೊತ್ತು ಬೆಲ್ಲದ ಹಿ !

ಇದು ಸತ್ಯಕಾಮರ ಹೊರ ಪರಿಚಯ. ಒಳಗಾಗದೆ ಹೊರಗಿರುವುದು ಹೋಗದು. ಹೊರಗಿರುವುದು ಬೇಡವೆಂದವ ಒಳಗಾಗಬೇಕು. ಒಳಗೂ ಒಂದು ಬಯಲಿದೆ !