ಎ.ಎಲ್. ಬಾಶಮ್ ಅವರ The wonder that was India ಎಂಬ ಸುಪ್ರಸಿದ್ದ ಇಂಗ್ಲೀಷ್ ಪುಸ್ತಕದ ಕನ್ನಡ ಅನುವಾದವಿದು. ಈಗಾಗಲೇ ಅನೇಕ ಭಾರತೀಯ ಭಾಷೆಗಳಿಗೆ ಅನುವಾದಗೊಂಡಿರುವ ಈ ಗ್ರಂಥ ಭಾರತದ ಪ್ರಾಚೀನ ಸಂಸ್ಕೃತಿಯ ಮೇಲಣ ವಿಶ್ವಕೋಶದಂತಿದೆ.ಸ್ವತಃ ಭಾರತೀಯರಾದ ನಮಗೇ ಗೊತ್ತಿರದ ಅನೇಕ ಸೂಕ್ಷ್ಮ ವಿವರಗಳನ್ನು ಈ ಪುಸ್ತಕದಲ್ಲಿ ಕಾಣಬಹುದು. ನಮ್ಮ ಅನೇಕ ಆಚರಣೆ. ಮಂತ್ರಗಳ ಹಿಂದಿರುವ ಭಾವ, ಅವುಗಳ ಮಹತ್ವವನ್ನು ಕುರಿತು ಈ ಪುಸ್ತಕ ಮನೋಜ್ಞವಾಗಿ ವ್ಯಾಖ್ಯಾನಿಸುತ್ತದೆ. ನಮ್ಮ ವಿವಿಧ ಕಲೆಗಳು ಮತ್ತು ಸಾಹಿತ್ಯಕ ವೈಭವದ ಮೇಲೂ ಬೆಳಕು ಚೆಲ್ಲುತ್ತದೆ. ಸಮಗ್ರ ಅಧಿಕಾರಯುತ ಮಾಹಿತಿಯನ್ನೊಳಗೊಂಡ ಪುಸ್ತಕದ ಅಂದ ಮತ್ತು ಉಪಯುಕ್ತತೆಯನ್ನು ಹೆಚ್ಚಿಸಲು ಸುಮಾರು ಒಂದು ನೂರು ಚಿತ್ರಗಳನ್ನೂ ಒಳಗೊಂಡಿದೆ.